السبت 3 شوال 1423 هـ الموافق 7 ديسمبر 2002 شعر: غديّر بن مطر الكتبي يا مرحبا مليار حِييْت كل المشاعر يحتفنّك يا راعي الطولات والصيت يَاللي فعولك يرفعنّك الامثال بك تضْرِبْ مناعيت بك تقترِنْ مَعْ صغر سِنّك يحفظك رب العرش والبيت وتعمى عيونٍ يحسدنّك في المجد لك ساس ومثابيت باسمى الخصايل يرفدنّك يحق لك كانك تباهيت صعب القوافي طاوعنّك تنقاد لك يا مِرْوي البيت سلسه على كيفك يجنّك نظمك مَوشحْ باليواقيت يا مَرْوَعْ أفكارك وفنّك يا من لبيت الشعِر عَلّيت بالذوق والعمق المحنّك واللي عليه الوصف حَطّيت ما يختلف ظنّه وظنّك لكنّ في الموعد تفاويت يمكن ظروفه لى حدّنك عهد المحبّه لى به أوفيت خِلّك تراه مْلازمنّك