السبت 21 رجب 1423 هـ الموافق 28 سبتمبر 2002 نعمان بن نعمان الكعبي ـ القاهرة تاخذني الكلمه على محمَلْ الجدّ تكفون يا سِماع شِعْري المهونه المدح في اهل المدح في عرفنا ود وودادنا لِشْيوخنا تعرفونه توّي على مسرى القوافي على العِد أبغي قوافي الشعر توصَل شجونه قراح يروى به سنا النصر والمجد يوم النصر يسكن في أسمى ركونه فرسان من دولة الامارات تِنْعَدّ جابوا النصر غصبٍ على من يبونه لا ما لهم نِدٍ ولا عنّهم بِدّ أنجال شيخٍ دَرْبهم يرسمونه في قصدهم يحسم رجا القصد بالقصد نهر النصر باصرارهم يوصلونه لْهم على الدوله عهد يَرْكِتِهْ عهد صافي النوايا ووالدٍ يسمعونه عن دارهم لا من بدا لازمه جنْد حوض المنيّه بالعزم يوردونه قُمَرْهم (محمّد) علي الجزر والمَدّ له بعد في التفكير هُم يدركونه يلقون في (محمّد) من الطيب ما سَدّ وطولاتهم باسمه لخاطر عيونه شَدّوا بعزمه عزم في منتهى الجهد واثمر جهدهم دون رجو المعونه وْصَفقْ لهم كَفٍ من الجود ممتد وناموسهم يضحك على ما يبونه غَنتْ لهم من تلثِمْ الخشم والخَد مزيونةٍ فيها الغوى ينظرونه أعني (دبي) دبي يا جاهِل القصد تاه الصبا فيها ومالت غصونه بنتٍ لها خصرٍ وجيد وحلو قَدّ شاخت على خَدّ الخليج وسكونه من نبع مكتوم اشْربت لاخر الحَد جود السحابْ وهَلّ طاهر مزونه ومن فكر (بوراشد) غدت أجْمَلْ البِلْد ومن صادق (محمّد) لجت في حضونه