السبت 21 رجب 1423 هـ الموافق 28 سبتمبر 2002 شعر: عبدالله الشامسي لا تحِطّ بْخَاطرك .. أمْزَح مَعَاك يوم اقول أقْدَرْ على بُعْدِك شَهَرْ كيف باقدَرْ وانت مالِكْني هواك والدقيقه يوم ما اشوفك دَهَر بَسّ هذا اللّي حكيته من غَلاك كنت انا آجرّب غلاتي وش كِثر يا بَعَدْ عُمري عَسى عُمْري فداك انت عندي أغلى من كلّ البشر تدري وِشْ بيصير لو قلبي نسَاك؟ بانسى أنّ بْمقْلَة عيوني نظَر وان نويت أنسى أنا بانسى جفَاك وانسى كِلْمَة بُعْد أو كلْمَة هَجِر أعْشَقك كِثْر النجوم اللّي بْسماك أعشقك عِشْق الليالي للقمر بس أحبّ أداعبك وامْزَحْ مَعَاك يوم اقول أقْدَر على بُعدك شَهَر