شعر: جروان بن ناصر الأحبابي سلام ياللي تفعل الجود يمناه سلام يا راع الشبور الطويله باثني التحيّه لك مع المسك مهداه باطيب ورودٍ والمعاني جميله يا شيخ نجمك ساطعٍ فوق شفناه نجمك تعلّى بالسما كل ليله خيّال فارس والصعب دوم يقواه والفوز فوزه ماضيٍ في سبيله الأوّل الأوّل على من تحدّاه يشهد له الميدان واللي نزيله بالفوز والناموس والكل هنّاه الكاس شلّه وعادته دوم شيله الفوز باسمه سجّله ما تمنّاه الفوز والناموس لازم يجي له لاجيت أنا بامدحك للمدح معناه يا حر يا متعليٍ بالطويله انت الذي كفّك على الجود مجراه يمناك مزنٍ هل واجرى مسيله من جاك يبغي الطيب يلقاه يلقاه اتشيل حمله والحمول الثقيله ومن جاك به ضيمٍ ترى الضيم عَدّاه عدّيته مْنه ثم تخلّى سبيله الله يديمه دايم ولا عدمناه الله يديم اللي مزبّن دخيله مرقى العلا دايم عرفناه مرقاه مرقاه في العالي ولا احْدٍ ينيله أقول قولٍ بالمعاني مقدّاه أقولها بالصدق هذا حصيله