شعر: محمد بن مسعود بالوراثه فزت فوزٍ باقتدار خَذت من جدّان جدّك الاوّلين بالتفاني لك تحققْ الانتصار وبالعزوم اللي تلين ولا تلين خَفت النشوه وخَفّ الانبهار كثر فوزك شَبّع اللي منتشين أنت عملاق البسيطه والمنار ماتنافِسْ غير نفسك يا فطين إعتزالك بس يِسْمَحْ للكبار إن يكونوا يا محمد فايزين إنت لارباب المكارم مستشار وانت من يرفع لواء المحسنين لو حيا (حاتم) وشافك كان حار ما عطى (المأمون) مثلك و (الأمين) ما تجود السحب جودك والبحار لا ولا أنجال (حوّا) أجمعين إنت بارٍ وابن بارٍ وابن بار يشهدون بطيب جَدّك الاسبقين لك على الدنيا حساسيدٍ كثار كلّ ابوهم يا محمد فاشلين إن بغيت الحق والقول الخيار ما خَلَقْ ربيّ مثل شخصك ثنين