شعر: شمس العرب أشتكي لله خلاّق البرايا يجلي أحزان الضماير والحسوفه أطلب الله فيه لا يقطع رجايا لى على فرقاه دمعاتي ذروفه من طواه الياس تطويه المنايا طيّة اللي تنطوي الحَيّه بْجوفه سَمّها سوّى على عيني غشايا وقبل موتي خوف عيني ما تشوفه عَدّي بْخبره على بيض النوايا وافيٍ لكن خانت به ظروفه لى نصفني ماظَلَمْني في هوايا مَدّ لي قلبه على راحة كفوفه جابه الله مثلما حلمي تهايا الخلوق اللي ملكني بالعطوفه ساقته الاقدار وِحْظوظ العطايا في زمانٍ قدْ ظَلَمْني بالنصوفه أمّنه قلبٍ توحّد في الخلايا قِدْ لجا به من عنا الايّام خوفه وطابت عْلومه على طيب السجايا واشغلتني عن هل الدنيا وصوفه بيني وبينه مواثيجٍ قوايا ولا تغيّرنا على الشده كلوفه شوفته عندي بذي الدنيا كفايا نور عيني ما تناسيت مْعَروفه