شعر: ميره القاسم إبْتدعني لو قدرت ولّفني حِسّ وثياب مثلما تقرا قصيده خَلْني فِعْيونك طريق يمكن أَنّي ماتَريّيتك على اشفاه السّراب لكنْ اتْمنى ألِمّ الحرف من حلمي وافيق رِف بي لين السما أمتدّ في شوفك سحاب كيف لو أنّك تخيّلت المرايا والعقيق يا هَدَبْ وَجْدٍ يضمّ ويطلق ابدون ارتياب واثقْ الوعد بْهَواي ولا أثنّيه بْشقيق ما أسافر غير بك أسمك على كفّي خضاب ينقشه فيني الظما .. وانت الظّما وانت الطليق