شعر : صالح الربيعي لا عاد تجرح شعوري يا نظر عيني دخيل عينك عيوني لا تغرقْها شوف الغلا وَرْد في يَسرْاي ويميني غَربْ بنفسي على شانك وشَرقْها عَزّ الله إن الغلا ما بينك وْبيني روحي وروحك عسى الله لايفَرقْها أعشق عيونك ونظره مِنْك تكفيني يا بَعْد عمري حبال الود وِثقْهَا ناظر بعيني ولاحِظْ رعشة يْديني غلاك حتى عروق الدم شَققْها لو كنت تدري بشيٍ فيك يدعيني ما لمت نفسٍ غريب الحب طَوقها يا جارح القلب لو مَرّه تراضيني بعض الأماني دخيل الله تحققْها كم لي وكم لي ونار الحب تكويني ما طلت قربك ونفسي البعد حَرقْها أصبر واقول انت لو ساعه تجافيني أموت والروح هجرانك يمزقْها واللي بَعَدْها دخيلك لا تخلّيني كلمة (حبيبي) على شاني تِذَوقْها أي والله إنْها تموّتني وتحييني عساك تسلم حياة الشوق نسقْها حرام تجرح شعوري يا نظر عيني دخيل رمشك رموشي لا تغرّقْها