شعر: محمد عبدالله الخاطري توّه حلا وقتي بلاماك توّه تَوّ أسفرت دنياي يا نور الاصباح بالله اسق الجوف والقلب روّه بِلّ العروق وداو بالوصل لِجْراح نوّر سماي ودرب لِوْصَال ضَوه لا جيتني كل المعاناة تنزاح شوفك شفا ويطيب عاشقك جَوّه كل المشاعر بك تهلي وترتاح القلب لك يا طيب الفال نَوّه فيك العوض يا زين عن كل لى راح مكانتك يا بعدهم فيه جُوّه ما لك شريك ولا له فْـ غيرك أصلاح وحدك ولك واللى تبى فيه سَوّه فدوة عيونك يا هوى البال الارواح أسيرهن آنا ونفسي شفوّه نجلٍ لحظهن يرمي سْهوم وِرْماح وخصايلٍ مثل الذهَبْ في صفوّه شقرٍ توهجْ كنها البرق لى لاح إطْلِقْ عنان الشعَر للريح توّه بدا العمر يحلا معك انس وافراح