شعر: أحمد بن كراز آه يا من ياه زلزالي طارشٍ ياب الخبر شيني زاغ قلبي وانشغل بالي وطار شوفي لى يجدّيني كنّيه في خايعٍ خالي مبتهِتْ صوتي يناديني محتبِسْ دمعي ولا سالي وعبرتي في الصدر تحزيني يا لطيفٍ تلطف بْحالي والطف بزهرة محبّيني ما تشوف الشر يا الغالي يا حياتي يا نظر عيني فدوةٍ لك حالي ومالي وكل قطره في شراييني أستعيض بْغيرك أبدالي بس لاجلك معجف اسنيني ما ابغي آكدّرك وانالي الزعل منّك يشجّيني يا غزالي قلبي امحالي يسكنه غيرك ويكفيني انتظرك بصبر وامالي يا غناتي تكبر وتيني ذاك يوم السعد يا الغالي والحياه اللى تهنّيني