شعر: عريب لا باس يا شيخٍ شكى حبٍ انزاح لا باس لو حتى لك الخِلّ غايب هذا الهوى يا صاح في الصد ذَباحْ كم من فتى م الهَمّ قِدْ صار شايب خَلّك كما الجبال ما تْهِزّك رْيَاح كن شامخٍ في وجه كل الصعايب إتْرِكْ هوى من هم نواياهم ضْحَاحْ ناسٍ على الفرقا تدوّر سبايب ترى العشق مبني على ولف الارواح وقلوب فيها الشوق سوّى عجايب قلبٍ إذا شفته تلاقي به امراح لاغلى الطيوف اللي لها دوم ثايب قلبٍ إذا جيته يرفرف بالجناح إسمك جناحه يا مصوّب وصايب واليوم يا (فَزاع) ما راح قِدْ راح واللي ابتعد بيجيك في يوم تايب