شعر: سعد الحافي نصرٍ كسبته يا (بو راشد) به نفاخِر آمين دايم بنصرٍ عاليٍ شانه مبروك فوز الحصان الجامح الباهِر من يوم توّه مُهر والريح ميدانه كيف اوصفه والوَصِف عن مشهده قاصِر الخيل طينه واظنّ البرق جدّانه ما يكفي انه يهزّ الخيل عن كابِر خيّاله اليا انطلق ما يلحق اعْنانه عز الله انه على اسمه مِدْويٍ هادِر يطوي بساط الوطى من تَحْت ذرعانه الريح له والسِبَق والكاس والناظِر وتصفيق جمهوره اللي حقق رْهانه نادر وجا في يدين الشامِخ النادِر ازدان حَظّه وصار الفوز عِنوانه