شعر: محمد بن مصلح يا هاجسي لك بالمثل موعد ويوم عطني وانا باعطيك من واقعي ضَي جِد لي بتعبيرٍ على فِعْل مرسوم يشهد عليه اللي على دنيتي حَي أمجاد مجد اللي له المجد مفهوم بهجة (دبي) وتِنوِر بشوفه (دبي) (مكتوم) لى عدّوا هَل ا لمجد (مكتوم) ريفٍ مريفٍ من هجير الزمن فَيّ له تهنياتي وَرْد نَرْجِس ومشموم ورود كادي مزرعه ساقي الري بمناسبة فوزٍ تمجد به قْروم فوز الحصان اللي على غاية الشي قدَم بشوط الكاس والشوط مزحوم واقبل مثل برقٍ تنحّى به العي نِعْم السلاله غالي السعر والسوم يطوي بعيدات المدى بالخِطا طي بافكار من فِكْره على ا لغير معدوم يشفيك لى منّه حمى حامي الكي حر اشقرٍ له في العلا كاسر الحوم ينير فكره مِغْلِسات الدجى ضي طلعه بعيد ويعتلي كل مزموم فِكْرَه على هذي وفِكْرَه على ذي يبرّر الغايه على فعل معلوم لْدولته يسعى وفي عمرة (دبي) سلام له يشذي به المسك مختوم عاش الفهيم اللي على الغايه يْجي لْكم تهاني بالفَرَحْ يا (آل مكتوم) طاب الفرح بدْياركم وازهر الفيّ