شعر: لمياء دبي إن جيت أبكي قالت العين ما اروم الله من كثر البكا جَفّ ماها وان جيت أصْرَخْ عالي الصوت مَحْروم يرجَعْ صدى صوتي عليّه صداها في دَوّ خالي شامخ الطعس وِحْزوم تذريه عاصوف الذواري ذراها وِتْغوص رجلي في الهَيِلْ كنها تْحوم دهرٍ مضى بالويج نشفْ بكاها ولولت م الفرقا بولوال مسموم سَمّ الأفاعي في خبارة وطاها أخَفّي الليعات في الجوف مَحْموم واصبر على نار اللظى لو كواها أصْفِجْ بكفّي ناشف الريق مَهْموم واشكي ولا حَدٍ يوايب نداها وين الذي يرفع كفوفي عن الشوم ويشمها رافع ويطلب رضاها يا حيف هذا الوقت فيه العنا يْدوم ويزيد هَمّي يوم أذكر صفاها حَظّي يِذَى ما بين ظالم ومظلوم لا ذا ولا ذا عن حبيبي غناها والى ضواني الليل حاربني النوم وِصْبوع كفّي بين طيّة رحاها