شعر: محمد سعيد بنواس آه يا قلبٍ فقد صبره من زمانٍ شينه إظروفه إن صفا جرّعنيه مرّه كاس تلو الكاس ويدوفه كن وسط اليوف بي جمره في حزن والعين موغوفه يا صبي العين يا القرّه يا عزيزٍ نادر أوصوفه كل طيّب ينذكر خبره ينذكر فضله ومعروفه حَدْ غالي لو هو بقبره وحد هَم وغَمٍ اتشوفه وحَدْ تترحم على ذكره تذكره والنفس ملهوفه يا اله الكون له غفره ترحمه يا رب وتروفه ليت خبري من قبل خبره كان ما سقّاني احسوفه لو يشاف القدر في نظره آه لولا الله من خوفه حكم رب الكون في أمره راضيٍ طايع وفي الشوفه