شعر: سالم بن علي الكعبي ليت خطّاف المنايا ما وصلْك وليته تْعَثرْ قبل يصبح نصيبك وليت عن صيتك وعن طيبك سألْك وليت لو الارواح تقدر تفتدي بك وليت طيره فوق جنحه ما حمَلْك وليت مرّه ثانيه يرجع يجيبك وليت لو أنّه في هالدينا مَهَلْك للشباب ولين حتى يْجيك شيبك واشهد أنّه ما درى بْصَادق فعلْك وان عطرين الشوارب تنتخي بك يا خساره ما بقى إلا أمَلْك والذكر لى ما يشين ولا يعيبك دام طاهر موتك وطيّب عملك يا بَخَتْ حَبّ التراب بيلتوي بك حكم من يامر عَ مَحْيَاكْ وأجَلْك والقدر لا بد له أنّه يصيبك في وقوف الحج ربّك ما خذَلْك يا عسى الفردوس (راشد) من نصيبك