شعر: عايد مطلق الشمري - السعودية عزّاه من قلبٍ به الهم له ساس متمكنٍ وسط الضمير اندساسي يسقي معاليق الضماير من الياس زودٍ على كثر السهر والمآسي وان قلت أباسلى يجذِبْ القلب مَساس دايم يذكّرني ليا صرت ناسي كوارث الدنيا بها جور وارماس ما وفّرت ما بين ناسك وناسي أقدارها تمضي على ساير الناس راضين في حكمه ولو كان قاسي هَزتْ مشاعرنا بلوعات واتعاس ما ميّزت بين الذهب والنحاسي تمضي بنا والعمر له حَدّ وِقْياس تفصيل من كَونْ جبالٍ رواسي الله يصبر كل قلبٍ به احساس واخص من ينبض بحب (الفلاسي) لو ينشرى عمره شريناه بالماس ولو ينفدى (راشد) فديته براسي حيث ان ما شخصه مثل ساير الناس شيخٍ وَلَدْ شيخٍ بعيد المراسي واللي بغيت آقول مليون لا باس لا باس يا مقدم شيوخ الفلاسي فيك البقا يا كاسبٍ كل نوماس تخوز عن قلبك ضرير المآسي الله يصبّركم على كل هوجاس ويجبر عزا من هو لحزنه يقاسي