شعر: مهدي بن سعيد إن كان لك نيّه تودّعني بْـ جَرْح تكفى بجرحٍ ما يشافيه غيرك ما ابغي الجروح اللي تساوم على الصِلْح أبغي «عناد النزف» بَعْدك يثيرك قوّم رياحك حرّض الرمل والملْح تملى العروق المبطيه عن غديرك ماني مبدل فَية النخل بالطَلْح إن مال ظلك ما لي إلاّ هجيرك قلبي بلادك لا غَزو بَعْد.. لا فَتْح ما خِلْق بَعْد اللي يسهل عسيرك جمعت مِنْك أضداد ما تقبل الطرح ما اشكي قساك إلاّ لناعِمْ حريرك وفاك فيما كان مَدْحٍ على مَدْح لو كل شرّك ما يجي نصف خيرك