شعر: وحيدة السعودية لا قلّت الحيله وضاقنّ الاسباب إضْرب جناب الشرق واتْبَعْ بروقه حيث ان به وبلٍ على القاع سَكاب وفيه الخزامى ما تيبّس عروقه وبلٍ همى واستلحقه وبل منساب كن الفيافي خد والوبل موقه ليما تتالى السيل مع خشم مرقاب واستانس اللي تطلب الرعي نوقه وِتْمايلت ساق البَخَتْري بالاطياب تسمَعْ حفيفه والنسايم تسوقه إن قلّت الحيله وطاحنّ الاطناب والكون ضاق بْمَيسٍ طال عوقه فازْبِنْ على اللي ما جزا الناس بِحْجاب مشرّعٍ بابه ونفسه شفوقه شيخ القوافي والمراجل والالباب الفارس اللي كل خيله سبوقه له كلمةٍ تحنى لها روس الاعراب وله بسمةٍ تبري الحشا من فتوقه وله قاف ما يلحَقْ معانيه لعّاب يبزّ شَعار النبط في طروقه وله مبهمٍ دونه مغاليق الابواب واليا انفتح بابٍ بدا باب فوقه لى ما يدلّينا على الظفر والناب ويردّنا كلٍ على الراس طوقه طير السعد شوفه للافراح جَلاب واليوم هو طير السعد من يفوقه شِفْنا شواهينه يفكّون الانشاب هدّوا لهدّاته وباعوا بسوقه ولانوا لشوفه واجْمَل العمر جَذاب هم بعض من نفسه وجسمه وذوقه تخرّجوا واستبشروا كل الاحباب اللي يحب الشيخ يفرَحْ لشوقه يهناك (راشد) يا عريبٍ بالانساب و(حمدان) تفرَحْ به وتجني عذوقه عوّدتهم تَقْدِمْ ولانْته بْهَيّاب وتندى كما يندى السحاب بْحقوقه وتصبر وتغفر واتّجاوز للاصحاب وتفزَعْ وتاوي من تردّت سبوقه تلبّسوا منْك الطبايع كالاثواب والعود أطيب خنّته من حروقه من فرحتك نفرح ونزهى بالاسلاب فرحه لها الافراح دايم لحوقه