شعر: مرار يا وداع آمال عمري والسنين في وداعي ويش عذرك للزمان يوم ضيّعني زحام العابرين في حياتك لا وجود ولا مكان وين يا خِلّي رجايه فيك وين للعريف المستشف رْدود شان في هواك ولا يبى غيرك ضنين زاهد الدنيا إلى خلد الجنان من كثر شوقي يصوّرك الحنين في خيالي ما تناسيتك ثوان والأمانه ما يضيّعها الأمين وانت عندك في مواثيقي ضمان يعل قلبٍ ما صفا لك يستهين بالفراق ويعل مثواه الدفان ويش ذنبي من دناة المغرضين وكيف مظلومٍ على نفسه يدان لو حمل همّي عذولي ليلتين كان شاف وعاف ظلمي واستبان خافيات جْروح في القلب الحزين تسرق بْحَالي ولا منها أمان صابرٍ والله على صبري يعين دام لي نفسٍ عزيزه ما تهان آترفعْ عن مذمّة كل شين في شوامخ مرتفع عالي بيان