شعر: مبارك سعيد بنواس عسى السعاده والفرح والمسرّات دايم حليفك يا زعيم العروبه بالخير والصحه على طول الاوقات تهنا بدنيا كلها لك طروبه الله يجيرك يا حبيب الإمارات ما تشوف شر ولا تضدّك تعوبه يا راقي العليا على كل غايات انت الوطن لْنا وانت مْحَبوبه يا بو خليفه انت ساس المروّات خيرك ضفى حتى لدار الغروبه نحنا نشوفك مثل هذي السماوات منها الحيا والخير يضفي شعوبه الله يديمك وسط فرحه وْبَهْوات يا من ضفى ع العز والفخر ثوبه وصلاة ربّي عد ما نزل آيات على النبي الشفاع غفران توبه