شعر: سالم بن علي الكعبي يا نايف العود ضاق الكون من همّي كلْما نخيت الليالي جَدّدت عوقي من وجد الاشواق في روحي دَرَجْ غَمّي ينسف بفكري ويسرف من بَحَرْ موقي ما غيرك اللي تناسب دمّه وْدمّي أصبحت في ناظري وامسيت في عْروقي لا تشغِلْ البال يا عمري وتهتمّي الحب لك انت ما هو لْكِلّ مخلوقي تعال شوف القصايد واستمِعْ نظمي تعال طالِعْ نوادِر فكري وْذوقي ما انا الّذي بالحديث أتْأثر بْخَصْمي ولا انا الذي تنسلب في وجهي حْقوقي إن قلت أحبّك أحبّك سِر وعلمي هذا غرام وشعور وحبّ موثوقي لى من ذكرتك وانا في حَشْد ملتمّي أنسى الخلايق واسِجّ ويشتعِلْ شوقي في رحلة العمر وصْلِك شيّ من حلمي متى أعيشك واهنّي فيك مَعْلوقي