شعر: محمود نور المجد ركن المعالي وانت عنوانه باسمك رفع رايته وامتدّت سْنينه باسمك رفع رايته وامتد سلطانه واختار شخصك على كثرة محبّينه يا فارس المجد بك يعتز ميدانه والشهم تفصح خصاله عن موازينه الحق ترضى به وتزعل على شانه وتعز من لاذ بك في الحق وتعينه والشعِرْ من حظوتك يا قايد أركانه تقدر تعزّه متى حبّيت وتزينه كل المعاني على طاريك شفقانه تحكم قوافيه في عسره وفي لينه يا حَيّ من مثلك ويا حَيّ باقرانه ويا ليت مثلك بهذا العالَمْ اثنينه يا صبحنا اللى نصب السهد باعيانه ونرد نشرب غلانا من سهر عينه لاجلك غصون الغلا بالود رَيانه خِذْ لا عدمتك زهر شعبك ونسرينه هذي (دبي) أصبحت في معصمك دانه والشعِر يغني قليله عن دواوينه