شعر: محمد بن مصلح يا طيور المجد غنّي بِتْغَريد باسم بو راشد بعذب ألحانها الفريد اللي بوقفاته فريد الشهامه عَنّها بِعْناها تهنياتي ما لها عَد تْعَديد بالخزامى والنفَل ريحانها لك حكيم الراي والفعل الرشيد قايد الفرسان في ميدانها الفريق اللي له (محمد) عقيد البطوله دايمٍ تيجانها غير فعل العام ذا فِعْلٍ جديد حاسبٍ في وقفته حسبانها تفتخر به دولته علمٍ أكيد والمعالي ما حسب خسرانها عاش خو (مكتوم) وِلْزايد عضيد حنكته واضح صحيح اتقانها عن مواقيف الشجاعه ما يحيد يوم غيره ما حسب لاثمانها يستجد المجد بالفكر المجيد كم عدوان العروبه هانها رايةْ الدوله يعلّيها الصعيد للمعالي في قهر عدوانها من افعاله نستمد ونستفيد تفتخر بِمْواقفه عربانها سيّدي في وقفةْ الحِدّه حديد ومن لجى بِحْماه عَزز شانها ينجد المضيوم ويضد الضديد وسمعة العليا بفعله صانها