شعر: مرار من قال ما احبّك ومن قال ما اغار وانا عليك ومنْك والله غيوره يا كثر حبّي لك تعابير واسرار في خافقٍ يحيا بشوفك شعوره وش ذنب من حَبّك على ظلم الاقدار حبٍ ملك قلب المولع وشوره ما همّني لو تشعِلْ بقلبي النار أنا بحبّك عَ الشدايد صبوره يا من تمنّيتك على عهد الابرار عهدٍ قويّه بالوثاقه جسوره قلب العنا فيما بدا منْك محتار كيف انطفى ذاك الأمل ضي نوره أنا حسبتك وافيٍ هوب غَدار وانته تلوّنت الهوى بالف صوره وللنفس عزّه واعتزازٍ ومقدار وللحر طلعه في الكشاف مْخَطوره