شعر: محمد إبراهيم الحديدي عِدّ النجوم وما خفته السحابه تلقى غرامي أكْثَرْ وْعِدّ أكثَرْ والْيَمّ لو تحصيه تجني الغرابه غلاك في قلبي من اليَمّ أكْبَرْ شَرعْ لك الخافق على الرحب بابه تعال وانْزِلْ في لياليه واسْهَرْ واقرا من عْيوني جميل الكتابه تلقى غرامك كامنٍ بين الاسطر إنت الفَرَحْ إن داهمتني الكآبه وانت السرور إذا مزاجي تعكرْ وان اعرضت لي في طريقي ضبابه أرمي بها خلف الزمان المقدّر قلبي غدا بك روض مغرم صبابه وانت الهوا والماي للقلب الاخْضَرْ قلت السؤال وهاك منّي الإجابه حبّك كثير وْعِدّ إن كنت تِقْدَرْ