شعر: محمد بن حمد بن مصلح سيّدي لو بالقلايد قَلّدوك قلّدك ربّي محبه للبشر بالقلايد عن فعالك ما وفوك وكل ما قالوه قطره في بَحَرْ يا ملك لك ماقفٍ بين الملوك يا كَرَمْ فيضه جرى مثل النهَر الكرم والجود من فعلك شكوك يا بدر نوره على العالَمْ ظَهَرْ للفضايل سالكٍ كل السلوك فعل زايد وانت زايد مختصر إسم نسمو بِه بلا ريب وشكوك موعظه فعلك وللعالم عِبَرْ وش بلاهم بالفعل ما قلّدوك عندهم يا سيّدي قصر النظر ليش ما شافوا طريقك واتبعوك يوم دربك نور وافكارك سِفَرْ يا محبٍ كل شعبك يفتدوك غارسٍ بقلوبهم حبٍ زَهَرْ بالمحبه عهد مخلص عاهدوك مخلصينٍ بالولا سِرّ وْجَهَرْ إن خطر ذكرك وبالطاري طروك يْتَعدى ذكر هَمال المطر وكل ما شطتْ ويبسنّ الحنوك في مواقيف الخطر ذكرك خطر يِحتمي بك من غدى ممساه شوك ويهتني نومه عقب طول السهر ترفع الأمّه بذكرك ما ارفعوك يا فجر نوره طلع عقب السحَرْ