شعر: سعيد بن سيف القمزي انتختني قصيده غير كل القصايد قمت واقف مْهَلّي مرحباً بالقصيد كيف ما بانتخي له يوم في مدح (زايد) كبّرت له مشاعر ذاب قطب الجليد شيخنا اللى فعالك كل يومٍ تِزَايَدْ كلما يَتْ علومٍ يِبْت عِلْمٍ يزيد بيّض الله وجهك وانت راع العوايد العلو شيمةٍ لك وانت فعلك سديد انت فوق المعالي.. ما تطالِعْ زهايد زادك الله معزهْ.. انت شوفك بعيد من ليا تحت بِشْتك صار في راس نايد هبّت الكوس راسه صار عيشه رغيد زادك الله خير ومن نعيمه زوايد كَمّ فضلك غمَرْنا وْكَمّ فَكيت قيد كل دارٍ بفضلك صار فيها معَايَدْ وكل بيتٍ يِكَبرْ فيه تكبير عيد برقت له عيونٍ وِضْحِكَتْ له فرايد صفّقت له مشاعر كل قَلْبٍ سعيد وان بكت له مدامع ما عليها نقايد عين يعقوب رَدّ لْهَا النّظَر من جديد الخشوم تْتلاقى والقلوب تْتعَايَدْ والدعا لك يا (زايد) يَعِلْ عمرك مديد