شعر: حمد خليفه أبو شهاب إنتظرناكم على عْيون النهار لين ما غضت عيونه بالمنام وانتظرناكم مَعْ الليل إنتظار لين ديجوره خَلَعْ ثوب الظلام إنت وين إنته على قرب المزار وانت وين انته على حَرّ الغرام وين ودّك والرعايه والوقار والاّ ما تِقْدَرْ تعيش بْلا خصام !! لك مزاج الطِفل لى ما له قرار تايهٍ بين الغضب والابتسام رُوْق لو ساعه، ترى حسن المسار فيه لطف وفيه عطفٍ وانسجام كم صبرنا والصبر للقلب نار كود ندرك بالصبر بعض المرام