شعر: مبارك بن سالم بن طَرافْ يا لايمي في هوايه ما لك وما لي ما قِدْ عنيتك ولا لمتك بمظنونك كلٍ على كيف كيفه صاحبه غالي والمنع يا عاذلي من دونه ودونك في حب خِلّي أعانِدْ كل عِذّالي لا تْشِطْ نفسك وْتِتْعَثْوَرْ بك ظْنونك خَلّك صديجٍ مودٍ وارفق بْحَالي ولا تْلومني لى بغيت آقول يا عونك دمع المولع على الخَدّين هَمالي وايهمّني حالهم لو ما يهمّونك هم غايتي في الزمان ومطلع آمالي ويا صاح لو شفتهم ما غَضتْ عْيونك