شعـر: أحمـد المـري واللّه أنا عايش معاك وبليّاك ما زدتني يومٍ ولا مِنْقِصٍ يوم إن جيتني مع باقي الناس حَيّاك وان رحت ماني في ترجيك ملزوم ما حَدّ يجبرني غصيبه أنا أهواك ولا حَدّ يلحقني على بعدك اللوم ما اتْبَعْ ظهور الناس ما اظنّي أخفاك لي عادةٍ بين العَرَبْ باوّل القوم لا تْشوفني من شوف هذا وهذاك أدوس قلبي بس انا اعيش محشوم إن جيت غالي وان تباطيت ما انساك تبقى الوحيد بْداخل القلب مرسوم أنا كذا عايش إذا طبعي أرضاك واذا رفضت أقول ذا كان مقسوم