شعر: محمد بن مسعود رقم الردود اللي لفتنا خيالي ما فيه رقم إلاّ محمد تعدّاه ولا فيه كساب الثّنا والمعالي إلاّ وهانت عند فعله مزاياه له ميزةٍ ما تنوجد بالرجالي كلٍ له أشباهٍ وهو ما له أشباه ذكره تعلاّ في جنوب وشمالي وفي كل دارٍ تطلع الشمس تلقاه ليث الشرى راعي الشبور الطوالي يحسِبْ حسابه كل ظالم ويخشاه لو هو بحر أصْبَحْ من الدر خالي من كثر ما تعطي يمينه ويسراه ما به سوى بعض العيوب القلالي من بعضها طيبه وكثرة عطاياه له رايةٍ بيضا على كل عالي وله نصب تذكاري على نجمة الياه