شعر: محمد حسن الشعبي من كَثْر قسوة حبيبي صرت أحسّ إنّه واقف مَعَ كل شَيّ في ذا الزمن ضِدّي ما بين رسم الأكيد وزخرفة ظنّه خلاّني أحتار ودّي بس ما ودّي رغم ان قلبي يحسّ بْداخله ونّه لاني سألته ولا سمّعته إشْ ردّي ساكت والاسباب لا منّي ولا منّه الحيره اللي توقّفني على حَدّي إن جيت أوضحْ له انّه جنّ بي جنّه أخشى يجيه الغرور ويكتشف سَدّي وان قلت اباثْقَل واقول: انّي غني عنّه أخاف لا يحسِبْ أنّه صِدْق من جَدّي ياما تحرّيت بين النار والجنّه سنين أقول انّها كم يوم وتعدّي واقول في خاطري يا لَعْن أبو فَنّه أثبت لي أنّه نزل في الحب متحدّي يا للأسف ما دريت إلاّ قريب إنّه واقف مَعَ ذا الزمن في كل شيْ ضِدّي