شعر: عبدالله العويس ما احلى حديثك لي وما احلاك ولهان وما احلاه بعدك دام تغليني أكْثَرْ تقول لي ما اظلمك واقول وش كان وتقول ما ظنّيت ع البعد تصبر هذاك شرطك والاّ انا دوم شفقان عليك وانته عن خفاياي أخْبَر تعبت من لا لا وممنوع غلطان وتعبت ممّا كان في البال أخْطَرْ قال انتظِرْ انته بعد دوم زعلان ولك في العتب تشكيل حالات تقهر قلت السموحه منّك تْراني انسان انته تردّد دوم في غيرك أشْطَر قال المزاح وبيننا عهد خِلاّن وان كنت أنا غلطان أرجوك تعذِرْ قلت العفو أنا اطلبِك بعض غفران حق ترى لك لو باعاتبك أكبر يكفي فوادي تدخله وانت ولهان وما دمت تغليني انا اغليك أكثر