شعر: سيف السعدي جيتك من اقصى هموم الجرح في جذعي نخلٍ تساقَطْ رطب والموت يومي به والريح تصرخ بغدر الوقت في سمعي واسكن جْنونها باللطف والطيبه لى شِفْت غيري حمدت الله على وضعي في تربةٍ تحشِمْ العارض قبل شيبه لولا مكارم أهَلْهَا ما جَرَى نبعي وْغَنّمْت به من سقاني كاس ترحيبه وْعَلّيت لك في بحور التهلكه شِرْعي واعَرف فعل (قْلميهن) من قبل (جِيْبه) في كل لازِمْ بما يِلْزَمْ ويستدعي يحتاج الانسان يستخدم تجاريبه طبع التردد عن الواجب ما هو بطبعي عيبٍ على الرجل يقصَرْ عن مواجيبه ليتك نظم واعتبرتك شي من بَدْعي ما صرت لي هاجسٍ دايم واهاذي به لكن في شَرع قلبي وْجودك الشرعي والغير مهما تزينْ قِلْت ما لي به