شعر: اللايم ـ دبي عليك معتوبي بنظمي والامثال في شَرح شِعْرٍ لك تعنى رسوله يا بن خليفه يا محمد لك نْسال وش لى جرى يومك تحب البطوله لك ساس خَيالٍ على ساس خَيال اللى على الاوّل معود خيوله لا يا عريب الساس من عَمٍ وخال كل شي واجب يستوي في أصوله أبوك تضرب به تواصيف وامثال الفارس اللى يشتهد له فعوله وش لى جرى تدخل على الركض بِضْلال فضّلت بو ويزه وْتِحْت الحموله يوم انت ريّالٍ ومن روس الابطال اركبت طبّاخٍ طوالٍ ذيوله السبق من بنغال يرجع لبنغال تبغي من البنغال سمعه وطوله كل موقفٍ له في الزمن وقت وِرْجَال ولا كل شَيٍ ينشرى بالعموله وان حالت أحوالك على بعض الاحوال ما تستوي عين المعارف جهوله