شعر: بنت الإمارات جيتك أزفّ القصايد يا بَعَدْ ناسي غيدا من السعد ريّانه ونشوانه جيتك وانا من سروري رافعه راسي ويحق لي يوم أماري فيك جذلانه هذا النجاح الذي يزهو به احساسي ما هو غريبٍ على (بو شهاب) واخوانه ما يدرك المجد غير النابه القاسي والاّ الردي ما يعرف المجد عنوانه المجد ملفى عريب الجد والساسي يقلط عليه الذي طاريه نيشانه بالجد .. ما شيّ غير الجد والباسي واللي ترك نهجهن يا قرْب خذلانه مثلك صبر.. ما رضى باليسر والياسي واللي شراتك يشرف صيت بدوانه يا عزوتي ان تجرّعت الكدر كاسي يصفى لك المر عقب الصبر وامحانه