شعر: عذاب انتهى بك عذابي من زمانٍ بعيد سعد قلبٍ بشوفك عن جروحه سلا أشكر الله على الحظ القويّ السعيد والف مليون مرّه مرحبا بك هلا إن عطيتك حياتي أو كتبت القصيد في عيونك مهابه تستحق الولا اسقني كاس عشقك نخب عمرٍ جديد والله انّك حبيبي وغيرك انته فلا خَبرْ اللي جرحني بالفراق الأكيد وقل له انّي بقربك في شموخ العلا في غنى عن وفانا والعذر ما يفيد عذره أقبح عن ذنوبه وقربه بلا صار ذلّه وخوفه سلعة المستفيد ضاع بين العواذل في زحام الملا شفت غدره وشفته في الخيال الزهيد ما ارخصه في عيوني بعد ذاك الغلا