شعر: عايض العتيبي ــ الكويت لا تسألين مولّعٍ لاعه البين يا بنت تكفي نظرته عن كلامه شوفي بعينه واضحات العناوين تلقين من لوعات بقعا علامه يا بنت ما به شي أصْدَقْ من العين العين فيها الحزن والإبتسامه يا سرع ما تقرا عيون المحبّين لو يخفي العاشق بقلبه غرامه إن كان بغيابك عليّه تغلّين تبين قلبي فيك يكثـر هيامه يا بنت انا اللي ذاق مر العذابين وان ضاعت الحيلات صبره حزامه صابر على رجوى الأمل لو بعد حين يمكن يجي يوم ايتحققْ مرامه بيني وبين الصبر خوّه من اسنين والصبر في بعض المواقف شهامه يوم الليالي أظهرت وجهها الشين واسقت ضعيف الصبر كاس الندامه وقفت في وجه الزمن قلت له وين وقفة شجاعٍ ما يعرف الرخامه يا بنت أنا ماني ضعيفٍ ومسكين أصبر ولو أدفع حياتي غرامه والله ما عمري تبعت المقفّين ولو هان عمري ما تهون الكرامه يعني ليا منّك بغيتي تروحين وش عاد ما رايح تقوم القيامه ان كان جيتي مرحبا فيك واهلين وان كان رحتي رافقتك السلامه