شعر: ميرة القاسم سكنت بْعينك.. وْهامت من النظره بداياتي ملكني هاجسٍ واهن ولا أقوى احْتمالي له معك.. صرت الأسيره للبياض الوامض الشاتي من أقصى الحلم يرويني.. وْفي صمتي تفاصيله غزلت بْنظرتك وَصْلٍ يناجيني.. ملا ذاتي تلاقيني وَلَه فاضح.. وتكتبني مراسيله تبيّنتك .. مثل ما ناحت عْيونك.. فَرَحْ آتي يا راسم للغياب إتْرِكْ وميض بْكل مواويله إذا كان السفر غيمه.. أنا تبدا نهاياتي دخيلك سافر وْخلْني بْعيونك.. طيف.. واشكي له أمانه لي في عينك دَرْب.. لو طالت مسافاتي واذا تعلّق بك قْليبي.. أبي عينك تنادي له