شعر: علي بن محمد القحطاني ــ السعودية الوفا والطيب والناموس وعلوم النشامى والكرم والجود والنخوه وتوثيق العوايد والقلم والسيف والصحرا ونفحات الخزامى والله إنْها كلها في ذمّتي في كف زايد سيّدي والشّعر في شرواك له قدر ومقاما والله انّي لانثـره لرضاك في بيض الجرايد لين يحفظه الصغير اللي على سِنّ الفطاما كل ما شافك على الشاشه يقول: الشيخ زايد حَفْظِك الله يا حبيب الشعب يا غيث اليتامى من روى من كفّك الطاهر تغلّب ع الشدايد انت ضِلْعٍ من زبن به في الشدايد ما يضاما وانت طيبٍ كل ما هبّه هوا الغربي تزايد وانت زايد بالعلوم الطيّبه شرقٍ وشاما وانت زايد راعي الوقفات كان الحمل كايد وانت زايد بالرضا والشعب في ظلك يناما وانت زايد بالسّعد يا الله عسى أيّامك سعايد من جنوب المملكه من ديرة الحر القطاما سقت لك حلو الكلام اللي حمل حلو الفرايد عاد عيدك وانت في صحّه تجدّد كل عاما والله أن العيد من دونك ما هو عيدٍ يعايد يا حروف الشّعر يا الله ردّدي مسك الختاما عاش زايد عاش زايد عاش زايد عاش زايد