شعر: عبدالله حمدان بن دلموك ما حلا قولك على مر السنين في الفيافي صار له أكبر صدى لو سمع صم الصخر قولك يلين لو سمعه الميت في قبره شدا إن وقفت اهتز معلاي الجبين وان نطقت القول من عقبك سدى قالوا لْنا اللي بقوا مِ الأوّلين كل وقتٍ فيه جلمود أوحدا لك نظمت الشّعر بثبات ويقين العمر مرّه لربّه يصعدا يا محمّد لك قرومٍ صامدين لك بنبني صرح من روس العدا يا محمد في الأمر لك طايعين نستحب الموت في يوم الفدا شفت في عينك ثبات الصامدين شفت فيك اللي حمل همٍ بدا يا عزيز النفس يا الحر الفطين في المواقف صلف فعلك يشهدا