شعر: ناصر سيف الكعبي عايدٍ يا شيخنا للدار عايد بالسلامه والمسرّه والسعاده عايدٍ يا فخرنا.. يا خير قايد يا سليل المجد.. يا روح القياده عايدٍ يا سيّدي.. يا الشيخ زايد تنتظرك بْلهفه شْعوبٍ وقاده والقلوب تْرفّ باشواقٍ جدايد لى لها بمْصافح الأخيار عاده والفرح رتّل بواكير القصايد وامتزج فيها غلاكم معْ وداده يا سميّ الخير.. من مثلك فرايد ما تجيب اوصافكم اكبر شهاده فِعْلِكم فِعْل الرجاجيل الشدايد وقولكم ع صْدور هالعالم قلاده وارثين المرجله.. واسمى العوايد والوفا إنتو صروحه وامتداده عشت يا زايد لنا سْنينٍ مدايد ودامت بلادك.. امارات الرّياده وباذن الله نْشوفك لْنا اليوم عايد ترْفِلْ بثوب المسرّه والسّعاده