شعر: هادي بن مسعود نهنّي الشيخ زايد بالسلامه عسى انّا فدوةٍ عن ما ينوبه ونطلب كل من يسجد لربّه ويدّي كل فرضٍ في وجوبه بْقلبه يدّعي للشيخ زايد عسى من يدّعي تغفر ذْنوبه ويسلم من بنى صرح المحبّه ولمّ الشعب في دار مْخصوبه وعلّى مستواها في بناها وخلاّها على الكل مْحسوبه زعيمٍ ما خلق بالكون مثله سراج الدار وِسْناد العروبه فلا والله يوجد له شبيهٍ ولا تلقى أبد مثله شعوبه ترى واحات داره تدّعي له وترجي رجعته عقب المغوبه ديارٍ غاثها واروى ثراها وصارت للملا الكل مْحبوبه كساها عن عراها لين زانت عساها به عن الضّد مْحجوبه عطاها من نفيس وكل غالي ومشّاها بخطٍ ما مشوا به وياما ليلةٍ تسهر عيانه زعيمٍ ما توانى عن وجوبه عسى ان الله يمدّد في حياته إلهٍ يسمع الذّر ودبوبه