شعر: ضاحي العميمي شباب الدار والديره تراكم للوطن واقي تراه المجد يستاهل لاجل عينه مخاطيره ترى حقّه على الخَيّر يزفّ الدّم توّاقي يسابق كل خو شَمّا عسى يبذل قبل غيره ومرخص للوطن روحه وصيته دايمٍ راقي وقولة والنّعِمْ والله لزيمه له مع السيره إذا ما صاح لمنادي فزع ما شيّ له عاقي وقدّم حاله وماله لاجل أرضه وللديره لاجل يبقى علم داره على الهامات خفّاقي بذل دمّه ولا حاسًبْ على نفسه مخاسيره وغنّى له كحيل العين لى له دوم يشتاقي ابشهد رايته بيضا ونفسه عنده اصغيره هذاك اللي نباهي به بدو مع حضر وِرْفاقي عسى أنّه الشحم خشمه وعسى تسلم تعابيره