شعر: عبدالله العويس متعوّدٍ تزعل واراضيك وغيّرت أنا لي بعض عادات لا تنتظر منّي أراشيك ولا تظن أنا لي شين نِيّات لا انا خطيت ولا باعاديك ومسموح عن كل الخطيّات وان كنت متشوّق أناجيك لا تنتظر منّي بدايات لاهو كِبِر أو عِنْد ذا فيك طبعي اخْتلف والناس حالات أشوف حولك ناس تكفيك خِذْها بدل ثم عيش راحات لاوّل أغار وصعب أخلّيك والحمد لله مات ما فات قد ضاق صدري من تغلّيك واليوم صدري فيه ساحات ما باتّصل ولا بجافيك والصلح يبغي له علامات ما يكسر الخاطر تباكيك حالف أنا ما اعيد عادات