شعر: عبدالله العويس ليش يوم أبغيك .. ما اشوفك ويوم تبغيني ألبّي لك ليش دوني صعبه ظْروفك محرمنّي من تساهيلك تجعله وصلي على صْدوفك ما تخصّه في مواصيلك ضاع في ملقاك معروفك واختلط صدقك وتمثيلك ما اتّعنّى شوف متلوفك بك لجا وان زاد تعليلك ما أظنّه ذاك من خوفك وانت يا اللّي في تبجّيلك معتلي منوالك ونوفك وليت انا منها مناويلك ناسي فْوادي على رْفوفك وفرّحت غيري مراسيلك لو أنا ما هوب مولوفك قول مانبغي مواويلك بابْعِدْ عْيوني عن تْشوفك بس غيري من يلبّي لك