شعر: علي بن سالم النعيمي كنت أحسب إنّي إذا طال الزمان أنساك ثَرني أحبّك إذا طال الزمن أكثر وكنت أحسب إني قدرت أنساك واتناساك وكنت أحسب أنّي قدرت أو كنت أنا أقدر وكنت أحسب ان الزمن يسعف على فرقاك اثرك هزمت الزمن والجند والعسكر واثرك تغلّبت على من كان يتحدّاك قهرت حتى الزمن لى عاد ما يقهر يا بعد عمر الذي كل يوم يتفدّاك لا ما رخصت ولا رخص قدرك ولا تصغر انت الغلا وفي الغلا ما عاد من يسواك انا اشهد أنّك تعدّيت الغلا واكثر شف كيف تغلا وتغلا زود كل ما جاك وكل ما يزيد الغلا في ناظري تكبر وان طال معك الغياب اكتب لجل عيناك قصيدةٍ من حلاها جتك تتمخطر