شعر: سعيد بن خلفان المطيوعي خايلت برّاقٍ لظى في كنوفه شفته على (البحرين) ياضي من بعيد على الخليج أسفر وكلٍ يشوفه بو راشد اللي رافع الكاس بالِّليد والمجد والتاريخ سَطّر حروفه يا شيخ لك ع ذروة المجد تخليد ناموسكم حرف القصيده يدوفه ويعلّقه فخرٍ على النحر والجيد نبع القوافي بالورود مْحفوفه لك بالهنا يا شيخ من دون تحديد و(دبي) غَنَّت لك طروبٍ شغوفه باسمك يا بو راشد تزغرد تزغريد أهديتها فخرٍ تعلَّت شروفه يصبح لها عيدٍ ويمسي لها عيد رفعت رايتها على راس نوفه والسيف يشهد لك مع الخيل والبيد شيخٍ على درب المعالي وقوفه موطاه عَ صم الصّخر والجلاميد يعجبك يوم الحفل تكمل صفوفه يوقف بسيف النصر وقفة (أبو زيد) فرح المحيَّا لى تبادت ضيوفه والشعب ينهل من منابع كفوفه ليث الوغى وقت اللقا والمواعيد والقلم لو سَطَّر على الطرس خوفه غذّاه من لطفٍ وعزٍ وتمجيد غنّى لك الخفري بكامل وصوفه يعجز ولا يكتب على كيف ما اريد لى من تخطَّر يتعبنّه ردوفه الشادن اللي فاق حسنه عن الغيد هذا ولا ننسى جميل مْعَروفه يفرح بناموسك ويغليك وِيْشيد وفي الخاتمة نْجَدِّد لك العهد تجديد