شعر: اللطيفه أمّي غَنَاتي تاج راسي وعزوتي ليت المرض ياني وشلّيت الاعلال خِذِيْ عيوني يا عيوني وراحتي تفداك عيني وفوقها الحال والمال زينِكْ ومعروفِكْ تملَّك مهجتي ولا ينكر المعروف يا غير الانذال رفعت لك يا رب أمري وشكوتي ما خاب من يدعي ويشكي لك الحال يا رب حقِّق لي مرامي ومنيتي واشفي عيون اللى لها مدمعي سال أمّي تحت موطاك فَرْحي وجنّتي وانتي ملاذٍ لي إذا ما الزمن عال ماجورةٍ بالخير أمّي وشيختي لو تفتديك الروح ما توفي أفضال يا الله تجير الله تنوّر دنيتي يا رب يا معبود ما غيرك نْسال